ગુજરાત રાજ્ય સહીત સમગ્ર ભારત વર્ષમાં (Covid-19) કોરોના મહામારી તેમજ લોકડાઉનના લીધે અસંખ્ય ગરીબ તેમજ મધ્યમવર્ગીય લોકો ખુબજ ગંભીર નબળી આર્થિક પરિસ્થિતિ થી ગુજરી રહ્યા હોઈ વીજ બીલ માફ કરવા બાબતે..

by JAFAR DIWAN જુલાઈ 10, 2020 0 Comments

જાફર દીવાન દ્વારા સરકારમાં સીધી રજૂઆત

        (૧)    માનનીય મહામહિમ રાજ્યપાલ શ્રી, ગુજરાત સરકાર, ગાંધીનગર

        (૨)    માનનીય મુખ્યમંત્રી શ્રી વિજયભાઈ રૂપાણી, ગુજરાત સરકાર, સ્વર્ણિમ સંકુલ-૧, નવા સચિવાલય,                             ગાંધીનગર

        (૩)    ઉર્જામંત્રીશ્રી, ગુજરાત રાજ્ય, ગાંધીનગર

        (૪)    મેં. મુખ્ય સચિવ સાહેબશ્રી, સામાન્ય વહીવટી વિભાગ, ગુજરાત સરકાર, ગાંધીનગર,

        (૫)    માનનીય વિરોધ પક્ષના નેતાશ્રી, ગુજરાત વિધાનસભા, સચિવાલય, ગાંધીનગર

માનનીય સાહેબશ્રી,

ઉપરોક્ત વિષય અન્વયે વિનંતી સાથે જણાવવાનું કે, સમગ્ર ભારત સહિત રાજ્યમાં (Covid-19) કોરોના વાઇરસ મહામારીથી અસરગ્રસ્ત છે. કોરોના વાઇરસને ફેલાવતો અટકાવવા માટે કેન્દ્ર સરકાર તેમજ ભારતની તમામ રાજ્ય સરકારોએ નક્કર પગલાં પણ લીધા છે. પરંતુ અફસોસની વાત એ છે કે કોઈપણ ને સફળતા પ્રાપ્ત થયેલ હોય તેમ લાગતું નથી કારણકે વાઇરસના સક્ર્મણ અને કેસો સતત વધતા જ રહ્યા છે સાથે લોકડાઉનના લીધે અસંખ્ય ગરીબ તેમજ મધ્યમવર્ગીય લોકો કે જે રોજ કમાઈ પોતાનું ઘર પરિવારનું ગુજરાન ચલાવતા લોકો છેલ્લા ૭૫ થી વધુ દિવસથી કામકાજ મજુરી વગર બેરોજગાર હોવાના ઘણા ખુલાસા અને ભુખમરી થી કૌટુંબિક આભઘાત/મોત જેવા ગંભીર ઘટનાઓ લોકડાઉન દરમ્યાન સામે આવી છે. જેથી હાલની ગંભીર નબળી આર્થિક પરિસ્થિતિમાં અસંખ્ય ગરીબ તેમજ મધ્યમવર્ગીય લોકોનાં પરિવાર લાઈટબીલ, પાણી અને ગેસબીલ, બાળકોની સ્કૂલ/કોલેજ ફી, પરિવારનું ભરણ પોષણ સહિતની અનેક માનસિક ચિંતાઓમાંથી પસાર થઇ રહ્યો છે. ત્યારે લાઈટ બીલ જેવી અતિ જરૂરિયાત સુવિધાની સમસ્યા પણ આગળ જતા મોટી આર્થિક મુશ્કેલી બની શકે તેમ છે.

વધુમાં ગુજરાત સરકારશ્રીની ૨૦૦ થી ઓછા યુનિટ વપરાશકર્તા ગ્રાહકોને ૧૦૦ યુનિટ માફી ની જાહેરાત કરવમાં આવેલ છે જે સંદર્ભે સરકારશ્રી ધ્યાને લેવું કે છેલ્લા ૭૫ કરતા વધુ દિવસથી ગુજરાતની જનતા કામકાજ મજુરી વગર બેરોજગાર અને નિ:સહાય ઘરે બેઠી છે. તેમજ લોકડાઉનના લીધે ઘર પરિવારના તમામ સભ્યો અને વીજ વપરાશની તમામ સુવીધાવો પુરેપુરી વપરાયેલ છે. ઉદાહરણ રૂપે એક પરિવારના ઘરમાં ૬ સભ્ય હોય અને ઘરમાં પરણેલ દીકરાનું રૂમ, રસોડું, બેઠક રૂમ આપ અંગદઝાડતી દરમીમાં ઘરના બે,ત્રણ પંખા, (A/C હોયતો A/C), શીતલજળ માટે રેફ્રીજરેટર, સમાચાર નિહાળવા TV વિગેરે જેવી તમામ વીજ વપરાસના સાધનો આ લોકઉડાન દરમ્યાન તમામ સુવીધાવો પુરેપુરી વપરાયેલ છે. જેથી ૨૦૦ થી ઓછા યુનિટ વપરાશકર્તા ગ્રાહકોને ૧૦૦ યુનિટ માફીમાં અસંખ્ય ગરીબ તેમજ મધ્યમવર્ગીય લોકોનું સમાવેશ થાય તેમ લાગતું નથી જે થી સરકારશ્રીને આ બાબતે પુનઃવિચારણા કરી લોકડાઉન સમય દરમ્યાનનું પૂરેપૂરું વીજબીલ માફ કરવા યોગ્ય કરવો...

કેન્દ્ર તથા રાજ્ય સરકારે કોરોના વાઇરસ મહામારી દરમ્યાન જે કઈ પણ જનહિતના કાર્ય કર્યા છે તેને અમો દિલ થી કદર અને પ્રસંસા કરીએ જ છીએ. અને વધુમાં લોકડાઉન દરમ્યાન કે જે રોજ કમાઈ પોતાનું ઘર પરિવારનું ગુજરાન ચલાવતા લોકો છેલ્લા ૭૫ થી વધુ દિવસથી કામકાજ મજુરી વગર બેરોજગાર હોવા થી લોકો હાલની પરિસ્થિતિએ લાઈટ બીલ ન ભરી શકતા હોવાથી લોકડાઉન દરમ્યાનનું છેલ્લા ત્રણ મહિનાનું લાઈટબીલ માફ કરવા બે હાથ જોડી વિનંતી કરીએ છીએ...